IKMT në Valbonë: 22 objekte në listë, 16 po çmontohen nga banorët
Inspektorati Kombëtar i Mbrojtjes së Territorit ka intensifikuar ndërhyrjet në Valbonë, duke targetuar 22 objekte pa leje në zonën e parkut. Sipas përditësimit zyrtar, 3 prej tyre janë shembur nga ekipet e IKMT-së, ndërsa 16 po çmontohen në mënyrë vullnetare nga banorët, për të shmangur dëmtimet dhe për të nxjerrë materialet e rikuperueshme; 3 objekte të tjera pritet të prishen në vijim. Kjo qasje dallon nga episodet e mëparshme në Theth, ku pati përplasje me autoritetet, ndërsa në Valbonë theksi është vënë te çmontimi i kontrolluar i strukturave, kryesisht druri.
